حوار بين الله والانسان

الله: ابنى لغاية امتى هاتبقى بعيد امتى هاترجعلى
الانسان: يارب انت عارف انى بحبك لكن سامحنى فى حاجة تانى بحبها اكتر منك
الله : الخطية يابنى الخطية دى لذة وقتية هاتزول ومافيش حاجة ثابتة على الارض
الانسان: طيب يارب انا دلوقتى فى الثانوية العامة استنى افوق من المذاكرة
والدروس وارجعلك
الله : يابنى دا الكتاب بيقول اذكر خالقك ايام شبابك
الله : ادى الثانوية خلصت ودخلت الجامعة امتى هاترجع
الانسان : حاضر يارب انا هارجعلك قريب الاسبوع اللى جاى
الله: يابنى اديك اشتركت فى اسر واتعرفت على بنات وخلى بالك يابنى من التجاوزات فى حاجات وحشة كتير بتحصل من التجاوزات الكتير دى
الانسان : يارب انا باحب فلانة اجعلها من نصيبى
الله : ايه يابنى خلاص دخلت محبة غريبة لقلبك وانت مابقتش فاضيلى
الانسان : معلهش يارب خلى اهلى يوافقوا بيها
الله : يابنى انا قلتلك دى مش من نصيبك وادى اهلك رفضوا وتخالفت معاهم وبقيت تعاملهم معامله ماتليقش باولادى
الانسان: يارب خلاص انا صرفت نظر عن الموضوع ده بس دا ترك جرح عميق جوايا
الله: يابنى انا قلتلك قلبك دا غالى قوى وماتسمحش تديه لاى حد
الله : ادى مرحلة الجامعة خلصت المرحلةالخطر عدت ونسيتنى فيها وفضلت عنى محبة بشر
الانسان : يارب ادينى وظيفةوهايبقى عندى وقت وهاصليلك واصوم وادى العشور
الله : ادى الوظيفة واديتهالك وانت من قلة ايمانك استقليتها واشتغلت تانى بالليل ومابقيش لى اصلا وقت علشان تكلمنى
الانسان : سامحنى يارب انا مش معايا وقت خالص
الله : يابنى دى ساعةفى اليوم وكلهم ساعتين فى القداس كل اسبوع
الانسان : سامحنى يارب انا باجى من الشغل كل يوم متأخر ومابالحقش اكل وكمان ما بانامش كويس
الله : وفين العشور اللى قلتلى هاقدمهالك يارب دا انت حتى البكور استخصرتها فى زى مايكون انت اللى بتدينى ومش انا اللى باعطيك
الانسان يارب انت عارف الحال على الاد واللى جاى اد اللى رايح والعيال والمصاريف
الله : يابنى انا خايف عليك من الذئاب خايف العمر يعدى بيك وماترجعش
الانسان : سامحنى يارب انا بعدت عنك كتير وعصيتك كتير اقبلنى يارب انا عارف انى اتاخرت عليك وانا دلوقتى فى المرض وعمر اللى عدى الستين الشيخوخة مش مخليانى اعرف انصب ظهرى سامحنى يارب هاصلى وانا قاعد
الله : يابنى انا قبلتك وفرحان بيك كان نفسى ترجع من زمان فى ايام شبابك فاكر انا اد ايه افتقدتك فاكر لما اتقلبت بيك العربية فاكر لما كان معاك مشاكل فى الشغل فاكر لما سيطر عليك فكر الموت دا كله انا سمحت بيه علشان ترجع لى
لكن انا فرحان بيك دلوقتى وهاحسبك من اصحاب الساعة الحادية عشرة

اخى واختى العمرمعدى معدى ومين اللى هايستفاد منه هانستنى لغايةمانكبر ومانقدرش نقف علشان نصلى ؟
وزى ماقال ابونا مكارى يونان توبة المريض مريضة
ومانستناش لما يجى اليوم ده دا سليمان الحكيم اللى نال كل مشتهياته قال عن العالم باطل الاباطيل الكل باطل وقبض الريح
ولا يعقوب لما سأله فرعون مصر وقاله كم هى سنى حياتك قاله 120قليله ورديه
وايه منفعة على الارض ماذا يستفيد الانسان لو ربح العالم كله وخسر نفسه
يارب انا الان فى مقتبل حياتى اقدم لك كل حياتى لكى تكون طوع مشيئتك
انا يارب منعت عن قلبى كل محبة ارضيه حتى ارتفع الى محبتك يارب
يارب انت الحب اجعلنى نقطة فى بحر حبك يارب
ايها الحب علمنى كيف احبك
ازرع فى الرجاء والمحبة والسلام
يارب انى احبك

مينا الطيب jesus love